പലസ്തീൻ ഐക്യദർഢ്യ റാലി സംഘടിപ്പിച്ചതിന് മുസ്ലിം ലീ​ഗിനെ അഭിനന്ദിച്ച് മുഖ്യമന്ത്രി പിണറായി വിജയൻ. ലീ​ഗിന്റെ പരിപാടി നല്ല കാര്യമാണ്. പലസ്തീൻ അനുകൂല നിലപാട് രാജ്യത്ത് ശക്തിപ്പെടുന്നു എന്നും മുഖ്യമന്ത്രി പറഞ്ഞു. സിപിഐഎം സംഘടിപ്പിക്കുന്ന പലസ്തീൻ ഐക്യദാർഢ്യ റാലിയിലേക്ക് മുസ്ലിം ലീ​ഗിനെ ക്ഷണിച്ചതിനെക്കുറിച്ചും മുഖ്യമന്ത്രി പറഞ്ഞു.

അങ്ങോട്ട് പോയി നിർബന്ധിച്ച് ക്ഷണിച്ചതല്ല. ലീഗ് നേതാവാണ് ക്ഷണിച്ചാൽ സിപിഐഎം റാലിക്ക് വരുമെന്ന് പറഞ്ഞത്. അതിനോട് സിപിഐഎം പ്രതികരിച്ചു. എങ്കിലും വരുമെന്ന വ്യാമോഹമില്ലായിരുന്നു എന്നാണ് അദ്ദേഹം പറഞ്ഞത്. മുസ്ലിം ലീ​ഗ് ഇല്ലെങ്കിൽ‌ യുഡിഎഫ് ഉണ്ടോ എന്നും മുഖ്യമന്ത്രി ചോദിച്ചു.

ആര്യാടൻ ഷൗക്കത്തിനെതിരായ നീക്കം കോൺ​ഗ്രസിന്റെ പതനത്തിനാണെന്ന് മുഖ്യമന്ത്രി പറഞ്ഞു. ഷൗക്കത്ത് ഇടത് മുന്നണിയിലേക്ക് വരുമെന്ന പ്രചാരണത്തെക്കുറിച്ചുള്ള ചോദ്യം അദ്ദേഹം ചിരിച്ച് തളളി. ഇതാണ് കുഴപ്പം, ഉടൻ ഇങ്ങനെ വരുമെന്ന് പറയുകയാണ്. പൊന്നാനിയിൽ ഷൗക്കത്ത് സ്ഥാനാർഥി ആകുമെന്നത് മാധ്യമ ഭാവനയാണെന്നും മുഖ്യമന്ത്രി പ്രതികരിച്ചു.