പി.വി. അൻവറിനെതിരെ വിമർശനവുമായി സി.പി.എം നേതാവ് എ.കെ. ബാലൻ രംഗത്തെത്തി. അൻവർ ഒരിടത്തും ഉറച്ചുനിൽക്കാത്ത, ഓന്തിനെപ്പോലെ നിറം മാറുന്ന ഒരു രാഷ്ട്രീയ ജീവിയാണെന്ന് അദ്ദേഹം പരിഹസിച്ചു. ഒരു വ്യക്തിയുടെ രാഷ്ട്രീയ മേൽവിലാസവും വിശ്വാസ്യതയും എങ്ങനെയാണ് പൂർണ്ണമായും നഷ്ടപ്പെടുന്നത് എന്നതിന് തെളിവാണ് അൻവറെന്ന് അദ്ദേഹം പറഞ്ഞു.
സി.പി.എം വിട്ടുപോയവർക്ക് അൻവറിനൊപ്പം അധികകാലം മുന്നോട്ടുപോകാൻ കഴിയില്ല. അത്തരമൊരു കൂട്ടായ്മ ഒരിക്കലും രാഷ്ട്രീയമായി വിജയിക്കില്ലെന്നും ബാലൻ കൂട്ടിച്ചേർത്തു. പാർട്ടി വിട്ടുപോയവരുടെ മനസാക്ഷിയെ എന്നെങ്കിലും കമ്മ്യൂണിസ്റ്റ് ബോധം വേദനിപ്പിക്കുമെന്നും അദ്ദേഹം വ്യക്തമാക്കി.
