മുഖ്യതെരഞ്ഞെടുപ്പ് ഓഫീസറെ മുഖ്യമന്ത്രിയുടെ സെക്രട്ടറിയായി നിയമിക്കാനുള്ള നീക്കത്തിനെതിരെ വിമർശനവുമായി വി കെ സനോജ്. “കൂടുതൽ വലിയ കള്ളത്തരം നടത്തുന്നയാൾക്ക് കൂടുതൽ വലിയ പ്രതിഫലം ലഭിക്കും” എന്നാണ് അദ്ദേഹം ഫേസ്ബുക്കിൽ കുറിച്ചത്.
പശ്ചിമ ബംഗാളിലെ തെരഞ്ഞെടുപ്പ് ഓഫീസറായ മനോജ് അഗർവാൾനെ മുഖ്യമന്ത്രി സുവേന്ദു അധികാരിയുടെ സെക്രട്ടറിയായി നിയമിച്ചപ്പോൾ രാഹുൽ ഗാന്ധി നടത്തിയ വിമർശനവും വി.കെ. സനോജ് തന്റെ കുറിപ്പിൽ ചൂണ്ടിക്കാട്ടി.“ബംഗാളിൽ അങ്ങനെ സംഭവിച്ചപ്പോൾ രാഹുൽ ഗാന്ധി ശക്തമായി പ്രതികരിച്ചു. എന്നാൽ കേരളത്തിൽ സമാന സാഹചര്യം ഉണ്ടായപ്പോൾ അദ്ദേഹത്തിന്റെ നിലപാട് എന്താണ്?” എന്നും വി.കെ. സനോജ് ചോദിച്ചു.
മുഖ്യതെരഞ്ഞെടുപ്പ് ഓഫീസറുടെ നിയമനവുമായി ബന്ധപ്പെട്ട വിഷയത്തിൽ രാഷ്ട്രീയ വാദപ്രതിവാദങ്ങൾ ശക്തമാകുന്നതിനിടെയാണ് അദ്ദേഹത്തിന്റെ പ്രതികരണം.
