മുഖ്യമന്ത്രിയുടെ മകൾ വീണാ വിജയന്റെ കമ്പനി എക്‌സാലോജിക്കിനെതിരെയുള്ള കേന്ദ്ര അന്വേഷണത്തിൽ പ്രതികരണവുമായി മന്ത്രി പി എ മുഹമ്മദ് റിയാസ്. ഇപ്പോൾ ഉയർന്ന ആരോപണമെല്ലാം നേരത്തെ പറഞ്ഞ കാര്യങ്ങൾ അല്ലേയെന്നും കുറെ കണ്ടതല്ലേയെന്നും അദ്ദേഹം പ്രതികരിച്ചു.

ലോക്‌സഭ തെരഞ്ഞെടുപ്പ് വരുകയല്ലേയെന്നും അദ്ദേഹം മാദ്ധ്യമങ്ങളോട് ചോദിച്ചു. എക്‌സാലോജിക്കും കരിമണൽ കമ്പനി സിഎംആർഎല്ലും തമ്മിലുള്ള ഇടപാട് അന്വേഷിക്കണമെന്ന് കോർപ്പറേറ്റ് അഫേയർസ് മന്ത്രാലയമാണ് ഉത്തരവിട്ടത്. രജിസ്റ്റാർ ഓഫ് കമ്പനീസ് നടത്തിയ അന്വേഷണത്തിൽ എക്‌സാലോജിക്കിൽ കണ്ടെത്തിയ ക്രമക്കേടുകളുടെ അടിസ്ഥാനത്തിലാണ് നടപടി എന്നാണ് വിശദീകരണം . കെഎസ്‌ഐഡിസിയും അന്വേഷണ പരിധിയിലുണ്ട്.