ന്യൂ ഡൽഹി: തനിക്കെതിരായി ജന്മഭൂമി എന്ത് പറഞ്ഞാലും ഒരു കാര്യവുമില്ലെന്നു കേന്ദ്ര മന്ത്രി അൽഫോൺസ് കണ്ണന്താനം. യുഎഇയുടെ സഹായ വാഗ്‌ദാനം കേരളത്തിന് ലഭ്യമാക്കണമെന്ന മന്ത്രിയുടെ അഭിപ്രായം വകതിരിവില്ലാത്തതാണെന്ന ജന്മഭൂമിയുടെ മുഖപ്രസംഗത്തെക്കുറിച്ച് പ്രതികരിക്കുകയായിരുന്നു മന്ത്രി.
തന്നെ തോൽപ്പിക്കാൻ ആരും സമയം കളയണ്ടെന്നു അദ്ദേഹം പറഞ്ഞു , തന്റെ രീതികളനുസരിച്ച് ജീവിക്കുമെന്ന് അൻപതു വർഷം മുന്നേ തീരുമാനിച്ചതാണ്, ജനങ്ങളുടെകൂടെയാണെന്നും അതാർക്കും തെളിയിച്ച് കൊടുക്കെണ്ടാവശ്യമില്ലെന്നും ആദ്ദേഹം പറഞ്ഞു.

ദുരിതാശ്വാസ ക്യാമ്പിൽ കിടന്നുറങ്ങിയതിനെ ജന്മഭൂമി പരിഹസിച്ചതും കാര്യമാക്കുന്നില്ലന്നു കണ്ണന്താനം പറഞ്ഞു. പേർസണൽ സ്റ്റാഫാണ് പൊട്ടത്തരം കാണിച്ചത്. അവിടെ മാത്രമല്ല നോര്‍ത്ത് പറവൂരിലെ ക്യാമ്പിലും ഞാന്‍ താമസിച്ചു' കണ്ണന്താനം പറഞ്ഞു.