തിരുവനന്തപുരം: ദുരിതാശ്വാസ പുനരധിവാസ പ്രവർത്തങ്ങൾക്ക് സർക്കാരിലേക്ക് പണം നൽകരുതെന്ന് പ്രചാരണം നടത്തുന്നവർക്കെതിരെ നടപടി സ്വീകരിക്കുമെന്ന് മുഖ്യമന്ത്രി. അനധികൃത പണപ്പിരിവ് നടത്തുന്നവർക്കെതിരെയും നടപതിയുണ്ടാവും . ദുരിതാശ്വാസ പ്രവർത്തനങ്ങൾ സംബന്ധിച്ച കാര്യങ്ങൾ വ്യക്തമാക്കുന്ന ഫെയ്‌സ് ബുക്ക് പോസ്റ്റിലാണ് മുഖ്യമന്ത്രി പൊലീസിന് നിർദ്ദേശം നൽകിയിരിക്കുന്നത്.

ദുരിതാശ്വാസ സംഭാവനയായി വലിയ തോതിൽ പണം സർക്കാരിലേക്ക് എത്തുന്നുണ്ട്, എന്നാൽ ചിലയിടങ്ങളിൽ അനധികൃത പണപ്പിരിവും നടക്കുന്നു, ഒപ്പം മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം അയക്കരുതെന്ന പ്രചാരണങ്ങളും ശക്തമാണ് . ഇതിന്റടിസ്ഥാനത്തിലാണ്  മുഖ്യമന്ത്രിയുടെ നിർദേശം . ഇത്തരത്തിലുള്ള കാര്യങ്ങൾ ശ്രദ്ധിക്കുകയും ഉചിതമായ നടപടി കൈക്കൊള്ളാനുമാണ് പൊലീസിന് നിർദ്ദേശം നൽകിയിരിക്കുന്നത്.