സംസ്ഥാന സർക്കാരിൽ എൻഎസ്എസിന് വിശ്വാസമാണെന്ന ജി സുകുമാരൻ നായരുടെ നിലപാടിനെ സ്വാഗതം ചെയ്ത് മന്ത്രി വി എൻ വാസവൻ. സന്തോഷകരമായ സമീപനമാണ് സുകുമാരൻ നായർ സ്വീകരിച്ചത്. എൻഎസ്എസ് കൃത്യമായ അഭിപ്രായം രേഖപ്പെടുത്തുകയും പിന്തുണയ്ക്കുകയും ചെയ്തു.

സുകുമാരൻ നായരുടെ നിലപാട് സ്വാഗതാർഹമാണെന്നാണ് മന്ത്രി വി എൻ വാസവൻ പറഞ്ഞത്. അതേസമയം ആഗോള അയ്യപ്പ സംഗമത്തിന് സുകുമാരൻ നായർ നേരത്തെ തന്നെ പിന്തുണ അറിയിച്ചിരുന്നുവെന്നും അദ്ദേഹം കൂട്ടിച്ചേർത്തു. കൂടതെ അയ്യപ്പ സംഗമത്തിലേക്ക് അദ്ദേഹം പ്രതിനിധിയെ അയച്ചതാണെന്നും വിഎൻ വാസവൻ വ്യക്തമാക്കി.

എൻഎസ്എസ് ഒരിക്കലും സര്‍ക്കാരിനെ എതിര്‍ത്തിട്ടില്ല. സൃഷ്ടിപരമായ വിമർശനമാണ് യുഡിഎഫിനും ബിജെപിക്കുമെതിരെ ഉയർത്തിയതെന്നും വിഎൻ വാസവൻ കൂട്ടിച്ചേർത്തു.