എൻ എസ് എസിനെ അനുനയിപ്പിക്കാന്‍ ആരെയും ചുമതലപ്പെടുത്തിയില്ലെന്ന വി ഡി സതീശന്റെ പ്രസ്താവനയില്‍ കോൺഗ്രസ് നേതാക്കള്‍ക്ക് അതൃപ്തി. എൻ എസ് എസ് ജനറൽ സെക്രട്ടറി സുകുമാരന്‍ നായരെ കണ്ട മുതിര്‍ന്ന നേതാക്കളായ പി ജെ കുര്യനെയും തിരുവഞ്ചൂര്‍ രാധാകൃഷ്ണനെയും കൊടിക്കുന്നില്‍ സുരേഷിനെയുമാണ് കഴിഞ്ഞ ദിവസം സതീശന്‍ പരസ്യമായി തള്ളിപ്പറഞ്ഞത്.

അതേസമയം കഴിഞ്ഞ ദിവസം ജി സുകുമാരന്‍ നായര്‍ കോണ്‍ഗ്രസ് നേതൃത്വത്തോടുള്ള നീരസം വ്യക്തമാക്കിയിരുന്നു. പെരുന്നയില്‍ അനുനയ നീക്കങ്ങളുമായി എത്തിയ നേതാക്കളോടാണ് എന്‍ എസ് എസ് നിലപാട് തുറന്ന് പറഞ്ഞത്. ആഗോള അയ്യപ്പ സംഗമത്തിന് അനുകൂലമായി സ്വീകരിച്ച നിലപാടില്‍ ഉറച്ചുനില്‍ക്കുന്നതായും എന്‍ എസ് എസ് ജനറല്‍ സെക്രട്ടറി സുകുമാരന്‍ നായര്‍ പറഞ്ഞിരുന്നു.