താമരശ്ശേരി താലൂക്ക് ആശുപത്രിയിൽ ഡോക്ടർക്ക് വെട്ടേറ്റ സംഭവത്തിൽ ആരോഗ്യ വകുപ്പ് മന്ത്രി വീണാ ജോർജ് ശക്തമായി പ്രതികരിച്ചു. ഡോക്ടർക്ക് നേരെയുണ്ടായ ആക്രമണം ‘അത്യന്തം അപലപനീയവും ഞെട്ടിക്കുന്നതുമാണ്’ എന്ന് മന്ത്രി വ്യക്തമാക്കി.

“മനുഷ്യ മനസാക്ഷിയെ ഞെട്ടിപ്പിക്കുന്ന സംഭവമാണിത്. ഇത്തരം അതിക്രമങ്ങൾ അംഗീകരിക്കാൻ കഴിയില്ല. സംഭവത്തിൽ ശക്തമായ നടപടി സ്വീകരിക്കുമെന്നും” വീണാ ജോർജ് ഉറപ്പുനൽകി. അതേസമയം താമരശ്ശേരിയിലെ ഡോക്ടർക്ക് നേരെയുണ്ടായ ആക്രമണത്തിൽ ശക്തമായ പ്രതിഷേധവുമായി ഡോക്ടർമാർ രംഗത്തെത്തി. ഇതിൻ്റെ ഭാഗമായി നാളെ കോഴിക്കോട് ജില്ലയിലെ അത്യാഹിത വിഭാഗത്തിലൊഴികെയുള്ള ഡോക്ടർമാർ പണിമുടക്കാൻ തീരുമാനിച്ചു.