പിഎം ശ്രീ വിഷയത്തിൽ ചർച്ച തുടരുമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. ബിനോയ് വിശ്വം വാർത്താ സമ്മേളനം ആരംഭിച്ചത് എൽഡിഎഫിന്റെ ചരിത്രവും അതിലെ സിപിഐയുടെ പ്രാധാന്യവും എടുത്തുപറഞ്ഞുകൊണ്ടാണ്. പിഎം ശ്രീ പദ്ധതിയെക്കുറിച്ച് സിപിഐ ഇരുട്ടിലാണെന്നും അദ്ദേഹം കൂട്ടിച്ചേർത്തു.

“അങ്ങേയറ്റത്തെ ദേശീയ പ്രാധാന്യമുള്ള ഒരു ഉടമ്പടിയിൽ എൽഡിഎഫ് സർക്കാർ പങ്കാളികളാകുമ്പോൾ, അതിലെ വിശദാംശങ്ങൾ അറിയാനുള്ള അവകാശം ഘടകകക്ഷികൾക്കുണ്ട്,” എന്ന് ബിനോയ് വിശ്വം പറഞ്ഞു. “ഇത്തരം കാര്യങ്ങൾ ചർച്ച ചെയ്യാനുള്ള വേദിയാണ് എൽഡിഎഫും അതിന്റെ സമിതികളും.

എന്നാൽ അവിടെയൊന്നും ഈ ഉടമ്പടിയെക്കുറിച്ച് ചർച്ചയുണ്ടായില്ല,” എന്നും അദ്ദേഹം കുറ്റപ്പെടുത്തി. ഘടക കക്ഷികളെയെല്ലാം ഇരുട്ടിലാക്കി മുന്നോട്ട് പോകേണ്ട ഒന്നല്ല എൽഡിഎഫ് എന്നും അദ്ദേഹം വിമർശിച്ചു.