യുഡിഎഫ് സർക്കാരിനെ ചുറ്റിപ്പറ്റിയ വിവാദങ്ങളിൽ ശത്രുപാളയത്തിലെത്തിയ വിമത എംഎൽഎമാർ നിലപാട് വ്യക്തമാക്കണമെന്ന് സിപിഐഎം നേതാവ് എം.വി. ജയരാജൻ ആവശ്യപ്പെട്ടു. തൃശൂരിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. വിഴിഞ്ഞം തുറമുഖ കരാർ ലംഘന വിഷയത്തിൽ മുഖ്യമന്ത്രിയോട് നിയമനടപടി ആവശ്യപ്പെടാൻ അവർ തയ്യാറാണോയെന്ന് ജയരാജൻ ചോദിച്ചു.

പി.എം. ശ്രീ പദ്ധതി, എസ്‌ഐആർ നടപ്പാക്കിയ ഉദ്യോഗസ്ഥന്റെ നിയമനം തുടങ്ങിയ വിഷയങ്ങളിലും വിമത എംഎൽഎമാർ അഭിപ്രായം പറയണമെന്ന് എം.വി. ജയരാജൻ ആവശ്യപ്പെട്ടു. "വഞ്ചന നടത്തിയിട്ടില്ലെങ്കിൽ മറുപടി പറയാൻ ഇതൊരു അവസരമാണ്. മൗനം പാലിച്ചാൽ അവർ വഞ്ചന ചെയ്തുവെന്നതിന്റെ തെളിവായിരിക്കും," എന്നും അദ്ദേഹം പറഞ്ഞു.