ആർഎസ്‌എസ്‌ ബന്ധമുള്ള അഭിഭാഷകനെ ഹൈക്കോടതി ഗവൺമെന്റ് പ്ലീഡറായി നിയമിച്ചതുമായി ബന്ധപ്പെട്ട വിവാദത്തിൽ, കെഎസ്‌യുവിനെ പരസ്യമായി വിമർശിച്ച മുഖ്യമന്ത്രി വി.ഡി. സതീശനെതിരെ കോൺഗ്രസിനുള്ളിൽ തന്നെ പ്രതിഷേധം ശക്തമാകുന്നു. കെഎസ്‌യു സംസ്ഥാന പ്രസിഡന്റ് അലോഷ്യസ് സേവ്യറിനെ അപമാനിച്ചെന്ന ആരോപണവും പാർട്ടിക്കുള്ളിൽ വിമർശനങ്ങൾക്ക് ഇടയാക്കിയിട്ടുണ്ട്.

ഇതിനിടെ, ആഭ്യന്തരമന്ത്രി രമേശ് ചെന്നിത്തലയും മുഖ്യമന്ത്രിയുടെ നിലപാടിൽ നിന്ന് വ്യത്യസ്തമായ അഭിപ്രായം പ്രകടിപ്പിച്ചു. ഗവൺമെന്റ് പ്ലീഡർ നിയമനത്തിൽ കെഎസ്‌യുവിന് അഭിപ്രായം പറയേണ്ട കാര്യമില്ലെന്നായിരുന്നു വി.ഡി. സതീശന്റെ പ്രതികരണം. എന്നാൽ, കെഎസ്‌യുവിന് അഭിപ്രായം പറയുന്നതിൽ തെറ്റില്ലെന്നും പരാതിയുണ്ടെങ്കിൽ അത് പരിശോധിക്കുമെന്നും രമേശ് ചെന്നിത്തല വ്യക്തമാക്കി. വിഷയത്തിൽ മുഖ്യമന്ത്രി തന്നെ മുൻകൈയെടുത്ത് പരിഹാരം കാണുമെന്നാണ് പ്രതീക്ഷയെന്നും അദ്ദേഹം പറഞ്ഞു.

ഇത്തരം കാര്യങ്ങൾ മുഖ്യമന്ത്രിയെ നേരിൽ കണ്ട് അറിയിക്കാമായിരുന്നുവെന്നും ചെന്നിത്തല അഭിപ്രായപ്പെട്ടു. എന്നാൽ, കെഎസ്‌യു സംസ്ഥാന പ്രസിഡന്റ് അലോഷ്യസ് സേവ്യറെ കാണാൻ സമയമില്ലെന്നായിരുന്നു മുഖ്യമന്ത്രിയുടെ പ്രതികരണം.

ഹിന്ദു ഐക്യവേദി നേതാക്കളെ ഉൾപ്പെടെ കാണാൻ സമയം കണ്ടെത്തുന്ന മുഖ്യമന്ത്രിക്ക് സ്വന്തം വിദ്യാർഥി സംഘടനയുടെ സംസ്ഥാന പ്രസിഡന്റിനെ കാണാൻ കഴിയാത്തത് എന്തുകൊണ്ടാണെന്ന ചോദ്യവും കോൺഗ്രസിനുള്ളിൽ ഉയരുകയാണ്. ഇതോടെ പ്ലീഡർ നിയമനവുമായി ബന്ധപ്പെട്ട വിവാദം പാർട്ടിക്കുള്ളിലെ ഭിന്നത കൂടുതൽ പരസ്യമാക്കുകയാണ്.