എൻഎസ്എസ് നേതൃത്വത്തിനെതിരെ രൂക്ഷ വിമർശനവുമായി കെ.ബി. ഗണേഷ് കുമാർ എംഎൽഎ. ഇത്തരമൊരു തരംതാഴ്ന്ന നേതൃത്വം എൻഎസ്എസിന് ആവശ്യമുണ്ടോയെന്ന് സമുദായം ചിന്തിക്കണമെന്ന് അദ്ദേഹം പറഞ്ഞു. തിരുവനന്തപുരം മന്നം ക്ലബിൽ ഗണേഷ് കുമാർ പങ്കെടുക്കേണ്ട പരിപാടിക്ക് എൻഎസ്എസ് അനുമതി നിഷേധിച്ചതിന് പിന്നാലെയാണ് പ്രസ് ക്ലബിൽ നടന്ന ചടങ്ങിൽ അദ്ദേഹം വിമർശനം ഉന്നയിച്ചത്.

ദില്ലിയിലെ പാറ്റ സമരത്തിന് സമാനമായി നായന്മാർ നേതൃത്വത്തിനെതിരെ രംഗത്തുവരണമെന്നും ഗണേഷ് കുമാർ ആവശ്യപ്പെട്ടു. എൻഎസ്എസിന്റെ എല്ലാ താലൂക്ക് യൂണിയനുകളുടെയും അക്കൗണ്ടുകളിൽനിന്ന് ഒരു ദിവസം കൊണ്ട് പണം പിൻവലിപ്പിച്ചതിൽ ദുരൂഹതയുണ്ടെന്നും അദ്ദേഹം ആരോപിച്ചു.