മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുകൊണ്ട് ഇന്ത്യ മുന്നണിയുടെയും വിവിധ സംഘടനകളുടെയും നേതൃത്വത്തിലുള്ള രാജ്യവ്യാപക പ്രതിഷേധ സമരങ്ങൾക്ക് ഇന്ന് തുടക്കമാവുന്നു. പ്രഖ്യാപനത്തിന്റെ ഭാഗമായി ഡൽഹിയിലെ ജന്തർമന്തറിലേക്ക് എസ്.എഫ്.ഐയും ഡി.വൈ.എഫ്.ഐയും പ്രതിഷേധ മാർച്ച് സംഘടിപ്പിച്ചിട്ടുണ്ടെങ്കിലും സുരക്ഷ മുൻനിർത്തി പൊലീസ് ഇതിന് അനുമതി നിഷേധിച്ചിട്ടുണ്ട്. എങ്കിലും, ഇന്ത്യ മുന്നണിയുടെ ആഭിമുഖ്യത്തിലുള്ള ഒരാഴ്ചക്കാലം നീളുന്ന ജില്ലാതല പ്രതിഷേധ പരിപാടികൾക്ക് രാജ്യത്തുടനീളം ഇന്ന് മുതൽ തുടക്കമാവുകയാണ്.

ഇതിനുപുറമേ, കോക്രോച്ച് ജനത പാർട്ടി (സി.ജെ.പി) ഡൽഹിയിലും മുംബൈയിലുമായി ശക്തമായ പ്രക്ഷോഭ പരിപാടികൾ സംഘടിപ്പിക്കുന്നുണ്ട്. തെരഞ്ഞെടുപ്പ് കമ്മീഷണറുടെ രാജി ആവശ്യപ്പെട്ടുകൊണ്ടുള്ള ഈ സമര പരമ്പരകൾ തലസ്ഥാന നഗരിയിലും രാജ്യത്തിന്റെ വിവിധ ഭാഗങ്ങളിലും കനത്ത രാഷ്ട്രീയ ചൂടാണ് സൃഷ്ടിച്ചിരിക്കുന്നത്.