ഹൈദരാബാദ്; നവരാത്രി ആഘോഷങ്ങളില്‍ അഹിന്ദുക്കളെ പ്രവേശിപ്പിക്കില്ലെന്നു  സംഘപരിവാര്‍. ആഘോഷപരിപാടികളില്‍ പങ്കെടുക്കുന്നവരുടെ ആധാര്‍ കാര്‍ഡ് പരിശോധിച്ച് ഹിന്ദുക്കളാണെന്ന് ഉറപ്പുവരുതത്വത്തിനു ശേഷം മാത്രമേ പ്രവേശനം നൽകുകയുള്ളൂ എന്ന് ന്ന് ബജ്‌റംഗ്ദള്‍ പ്രവർത്തകർ   പറഞ്ഞു. ബജ്‌റംഗദള്‍ മീഡിയ കണ്‍വീനര്‍ എസ് കൈലാഷാണ് ഈ ആവശ്യവുമായി  എത്തിയിരിക്കുന്നത്.

ആധാര്‍ കാര്‍ഡുകള്‍ പരിശോധിച്ച് ഹിന്ദുവാണെന്ന് തെളിഞ്ഞാല്‍ മാത്രമേ അവരെ പരിപാടികളില്‍ പങ്കെടുക്കാനും സംഘാടകരാകാനും അനുവദിക്കുകയുള്ളുവെന്നു കൈലാഷ് പറഞ്ഞു.  ഇക്കാര്യം ചൂണ്ടിക്കാട്ടി ഗര്‍ബ,ഡാണ്ടിയ പരിപാടി സംഘാടകര്‍ക്ക് ബജരംഗ് ദള്‍ കത്തുനല്‍കുകയും  ചെയ്തിട്ടുണ്ട്.ആഘോഷപരിപാടി നടക്കുന്ന വേദികള്‍ക്ക് പുറത്ത് ബജരംഗ് ദള്‍ പ്രവര്‍ത്തകര്‍ ക്യാംപ് ചെയ്യും. അഹിന്ദുക്കള്‍ പരിപാടിയില്‍ കടന്നുകയറുകയോ, അതിക്രമം നടത്തുകയോ ചെയ്താല്‍ തങ്ങൾ തന്നെ കൈകാര്യം ചെയ്യുമെന്നും സംഘടന അറിയിച്ചിട്ടുണ്ട്.