കോൺഗ്രസുകാർക്കെതിരെ കേസെടുക്കുന്ന പൊലീസുകാർ അനുഭവിക്കേണ്ടിവരുമെന്ന് കെ മുരളീധരൻ എംപി. കൂത്താളി പ്രാഥമികാരോഗ്യ കേന്ദ്രത്തിലെ ജൂനിയർ ഹെൽത്ത് ഇൻസ്‌പെക്‌ടർ എ എം മനുവിനെ തടഞ്ഞുവച്ച് മർദിച്ച കേസിൽ പ്രതികളായ മൂന്ന്‌ കോൺഗ്രസുകാരെ അറസ്റ്റ് ചെയ്‌തതിൽ പ്രതിഷേധിച്ച് പെരുവണ്ണാമൂഴി പൊലീസ് സ്റ്റേഷനിലേക്ക് പേരാമ്പ്ര ബ്ലോക്ക് കോൺഗ്രസ് കമ്മിറ്റി നടത്തിയ മാർച്ച് ഉദ്ഘാടനം ചെയ്യുകയായിരുന്നു മുരളീധരൻ. 11 മാസം കഴിഞ്ഞാൽ ഭരണം മാറും. കോൺഗ്രസുകാരെ പ്രതികളാക്കുന്ന പൊലീസുകാർക്ക് പിന്നീട് പെൻഷൻ വാങ്ങാൻ കഴിയില്ല. ഇതിനിടയിൽത്തന്നെ സസ്‌പെൻഷനിൽ പോകേണ്ടി വരുമെന്ന കാര്യം ഉറപ്പാണ്.