കോവിഡ്‌ വ്യാപനം തീവ്രമായതോടെ  രാജ്യത്ത്‌  ഒറ്റദിവസത്തെ രോ​ഗികള്‍  55,000 കടന്നു. 24 മണിക്കൂറിൽ (വ്യാഴം) 55,079 രോ​ഗികള്‍, 779 മരണം. രണ്ടു ദിവസത്തില്‍ 1,07,558 രോ​ഗികള്‍, 1558 മരണം. ആകെ രോ​ഗികൾ 17 ലക്ഷത്തോട് അടുത്തപ്പോള്‍  മരണം 37,000 ത്തിലേക്ക്‌. ജൂലൈയില്‍ മാത്രം 11 ലക്ഷം രോ​ഗികള്‍. 19,000 മരണം. മഹാരാഷ്ട്രയിൽ ഒറ്റദിവസം രോ​ഗികള്‍ 11,000.

സംസ്ഥാനത്ത്‌ ആകെ രോഗികൾ നാലുലക്ഷത്തിലേറെ. ആന്ധ്രയിൽ തുടർച്ചയായി രണ്ടാം ദിവസവും പതിനായിരവും കടന്നു. തമിഴ്‌നാട്ടിൽ രണ്ടാം ദിവസവും മരണം നൂറിനോടടുത്തു. ലോകത്ത്‌ കോവിഡ്‌ രോഗികളുടെ എണ്ണത്തിൽ മൂന്നാമതും മരണത്തിൽ അഞ്ചാമതുമാണ്‌ ഇന്ത്യ.

ആറുലക്ഷം കടന്ന്‌ പരിശോധന
ഒറ്റദിവസത്തെ പരിശോധന ആറുലക്ഷം കടന്നു. വ്യാഴാഴ്‌ച 6,42,588 പരിശോധന. ആകെ പരിശോധന 1.88 കോടി.  രോഗമുക്തർ 10,57,805. രോഗമുക്തി നിരക്ക്‌ 64.54 ശതമാനം. ചികിൽസയില്‍‌ 5,45,318 പേർ. മരണനിരക്ക്‌ 2.18 ശതമാനം. രോഗികളിൽ 0.28 ശതമാനം പേർ വെന്റിലേറ്ററിലാണെന്ന് ഉന്നതതല മന്ത്രിസമിതി യോഗത്തില്‍ മന്ത്രി ഹർഷ്‌വർധൻ അറിയിച്ചു. 1.61 ശതമാനം ഐസിയുവില്‍‌. 2.32 ശതമാനം പേർ ഓക്‌സിജൻ പിന്തുണയിൽ കഴിയുന്നു.

മഹാരാഷ്ട്രയിൽ മരണം 15,000
തുടര്‍ച്ചയായി മൂന്നാം ദിനവും രാജ്യത്ത്‌ അരലക്ഷത്തിലേറെ കോവിഡ്ബാധിതര്‍. എഴുന്നൂറിലേറെ മരണം. ബിഹാറിൽ രോ​ഗികള്‍ അരലക്ഷം കടന്നു. യുപിയിൽ ആദ്യമായി ഒറ്റദിവസത്തെ രോ​ഗികള്‍ നാലായിരം കടന്നു. മഹാരാഷ്ട്രയിൽ മരണം പതിനയ്യായിരത്തിലേക്ക്. തമിഴ്‌നാട്ടിലും ഡൽഹിയിലും മരണം നാലായിരം. രാജ്യത്ത്‌ രോ​ഗികല്‍ 16.90 ലക്ഷം. മരണം 36500.

രാജ്യത്ത്‌ വെള്ളിയാഴ്‌ച ഏറ്റവും കൂടുതൽ രോ​ഗികള്‍ ആന്ധ്രയിൽ. 10376 രോ​ഗികള്‍, 68 മരണം. ആകെ രോ​ഗികൾ 140933, മരണം 1349. മഹാരാഷ്ട്രയിൽ 10320 രോ​ഗികളും 265 മരണവും. ആകെ രോ​ഗികള്‍ 422118. മരണം 14994. മുംബൈയിൽമാത്രം 1100 രോ​ഗികള്‍ 53 മരണം. തമിഴ്‌നാട്ടിൽ 5881 രോ​ഗികളും 97 മരണവും. കർണാടകയിൽ 5483 രോ​ഗികള്‍, 84 മരണം. യുപിയിൽ 4422 രോ​ഗികള്‍, 43 മരണം. ഡൽഹിയിൽ 1195 രോ​ഗികളും 27 മരണവും. ബിഹാറിൽ 2986 രോ​ഗികളും 13 മരണവും. ഗുജറാത്തിൽ 1153 രോ​ഗികളും 22 മരണവും.