പശ്ചിമ ബംഗാളിലെ മുതിര്‍ന്ന സിപിഐ എം നേതാവും  കേന്ദ്ര കമ്മറ്റി അംഗവുമായ  ശ്യാമള്‍ ചക്രവർത്തി (77) കോവിഡ് ബാധിച്ച് മരിച്ചു. വ്യാഴാഴ്ച ഹൃദയാഘാതം ഉണ്ടായതിനെ  തുടര്‍ന്ന് അദ്ദേഹത്തിന്റെ അന്ത്യം സംഭവിക്കുകയായിരുന്നു. കോവിഡ് പോസിറ്റീവ് ആയതിനെ തുടര്‍ന്ന് അദ്ദേഹത്തെ ജൂലായ് 30-നാണ് ആശുപത്രിയില്‍ പ്രവേശിപ്പിച്ചത്.
 
1981 ല്‍  ആദ്യമായി ബംഗാള്‍ നിയമസഭയിലേക്ക് തെരഞ്ഞെടുക്കപ്പെട്ടു.  9 വര്‍ഷം ഗതാഗത വകുപ്പ് മന്ത്രിയായിരുന്നു. രാജ്യസഭാംഗമായി പ്രവര്‍ത്തിച്ചു.  പശ്ചിമ ബംഗാളിലെ ട്രേഡ് യൂണിയന്‍ രംഗത്തും സജീവ സാന്നിധ്യമായി

ബംഗാളി ചലച്ചിത്ര നടി ഉഷാസി ചക്രവർത്തി മകളാണ്. പശ്ചിമ ബംഗാളില്‍ കോവിഡ് ബാധിച്ച് മരിക്കുന്ന രണ്ടാമത്തെ മുതിര്‍ന്ന രാഷ്ട്രീയ നേതാവാണ് ശ്യാമള്‍ ചക്രവർത്തി.