രാജ്യത്ത്‌ ഒറ്റദിവസത്തെ രോ​ഗികള്‍ ഇതാദ്യമായി 83,000 കടന്നു. ആഗസ്‌ത്‌ 30ന് 79,461 രോ​ഗികളെ സ്ഥിരീകരിച്ചതായിരുന്നു ഇതുവരെയുള്ള ഉയര്‍ന്ന എണ്ണം. 24 മണിക്കൂറില്‍ 83,883 രോ​ഗികള്‍, 1043 മരണം. 68,584 രോഗമുക്തര്‍. ആകെ രോഗമുക്തര്‍ 29,70,492. രോഗമുക്തി നിരക്ക്‌ 77.09 ശതമാനമായി. 8.16 ലക്ഷം പേര്‍ ചികിത്സയില്‍

കേരളത്തെക്കുറിച്ച്‌ തട്ടിപ്പ്‌ കണക്ക്‌
കേരളത്തിൽ കോവിഡ്‌ സ്ഥിതി ഗുരുതരമാണെന്ന്‌ കേന്ദ്രം വിലയിരുത്തിയതായി ദേശീയ മാധ്യമത്തെ ഉദ്ധരിച്ചുള്ള റിപ്പോർട്ടുകൾ അടിസ്ഥാനരഹിതം. കേരളത്തിലെ രോഗസ്ഥിരീകരണ നിരക്ക്‌ 17.80 ശതമാനമെന്നാണ്‌ റിപ്പോർട്ടിലുള്ളത്‌. ആഗസ്‌ത്‌ 13 മുതൽ 19 വരെയുള്ള വിലയിരുത്തലാണിത്. എന്നാൽ, കേരളത്തിൽ കോവിഡ്‌ റിപ്പോർട്ട്‌ ചെയ്യപ്പെട്ട്‌ തുടങ്ങിയശേഷം ഒരു ഘട്ടത്തിൽപ്പോലും രോഗസ്ഥിരീകരണ നിരക്ക്‌ രണ്ടക്കം കടന്നിട്ടില്ല. നിലവിൽ കേരളത്തിലെ രോഗസ്ഥിരീകരണ നിരക്ക്‌ 4.53 ശതമാനംമാത്രം‌. രാജ്യത്ത്‌ രോഗസ്ഥിരീകരണ നിരക്ക്‌ ഏറ്റവും കുറഞ്ഞുനിൽക്കുന്ന സംസ്ഥാനങ്ങളിലൊന്നാണ്‌ കേരളം.