ആധുനികസൗകര്യങ്ങളോടെ ഫ്ളാറ്റ് നിർമാണം വിജയകരമായി പൂർത്തീകരിക്കും എന്ന് ഉറപ്പായതോടെയാണ്, അനിൽ അക്കര ഗൂഢനീക്കവുമായി രംഗത്തുവരുന്നത്. സ്വർണക്കടത്തുമായി കൂട്ടിക്കെട്ടിയായിരുന്നു ആദ്യം ആരോപണം. പിന്നീട് ഫ്ളാറ്റ് ഇടപാടിൽ അഴിമതിയുണ്ടെന്ന ആരോപണം ഉയർത്തി. എന്നാൽ, അഴിമതി അന്വേഷണ ആവശ്യത്തിൽനിന്ന് മാറി, സർക്കാരിനെയും മന്ത്രി എ സി മൊയ്തീനെയും സിപിഐ എം നേതാക്കളെയും ആക്ഷേപിക്കലായി പണി.

 

നിർമാണത്തിൽ സർക്കാരിന് നേരിട്ട് ഒരു ഇടപാടുമില്ലെന്നറിഞ്ഞിട്ടും, ചില ചാനലുകാരെ കൂട്ടുപിടിച്ച് വ്യാജപ്രചാരണം തുടർന്നു. മന്ത്രി എ സി മൊയ്തീൻ രണ്ടു കോടി വാങ്ങിയെന്നും ചാനലിലൂടെ തട്ടിവിട്ടു. ഇതിനെതിരെ മന്ത്രി നിയമനടപടി ആരംഭിച്ചിട്ടുണ്ട്.