കേരളാ സർക്കാറിന്റെ രണ്ടാം ഘട്ട നൂറുദിന കർമപരിപാടികൾ പ്രഖ്യാപിച്ച് മുഖ്യമന്ത്രി പിണറായി വിജയൻ. ജനുവരി 1 മുതൽ 100 രൂപ വർദ്ധിപ്പിച്ച് അർഹരായവർക്ക് 1500 രൂപ വീതം പെൻഷൻ നൽക്കാൻ തീരുമാനായി.‌‌
സൗജന്യ ഭക്ഷണ കിറ്റ് വിതരം നാല് മാസം കൂടി തുടരും.

ലൈഫ് പദ്ധതിയിലൂടെ മാർച്ചിനുള്ളിൽ 15000 പേർക്ക് കൂടി വീട് നൽകും. 35000 വീടുകളുടെ കൂടി പ്രവർത്തനം ഉടൻ തുടങ്ങുമെന്നും മുഖ്യമന്ത്രി വാർത്താ സമ്മേളനത്തിൽ അറിയിച്ചു. 20 മാവേലി സ്റ്റോറുകൾ സൂപ്പർ മാർക്കറ്റുകളായും 5 എണ്ണം സൂപ്പർ സ്റ്റോറുകളായും ഉയർത്തും.

847 കുടുംബ ശ്രീ ഭക്ഷണശാലകൾക്ക് പുറമെ 153 എണ്ണം പുതിയത് ആരംഭിക്കുമെന്നും മുഖ്യമന്ത്രി പറഞ്ഞു.
എൽ.ഡി.എഫ്. പ്രകടന പത്രികയിൽ പ്രഖ്യാപിച്ച 600 ഇന പരിപാടികളിൽ 570 എണ്ണം പൂർത്തിയാക്കിയെന്ന് മുഖ്യമന്ത്രി പിണറായി വിജയൻ വ്യക്തമാക്കി.