എറണാകുളം കലൂരിൽ നിർമാണം പൂർത്തിയായ അഭിമന്യു സ്മാരകത്തിന്റെ ഉദ്ഘാടനം നാളെ വൈകിട്ട് 3.30ന് മുഖ്യമന്ത്രി പിണറായി വിജയൻ നിർവ്വഹിക്കും. പഠനത്തിനും തൊഴിൽപരിശീലനത്തിനുമുള്ള കേന്ദ്രമായ സ്മാരക മന്ദിരത്തിൽ വിപുലമായ ലൈബ്രറി, സർക്കാർ ഏജൻസികളുടെ സഹായത്തോടെ വിദ്യാർഥികൾക്ക് ആധുനിക കോഴ്സുകളിൽ ഹ്രസ്വകാല പരിശീലനങ്ങൾ, മത്സര പരീക്ഷകൾക്കു സഹായകമായ പരിശീലനം, മത്സര പരീക്ഷകൾക്കും തൊഴിൽപരിശീലനത്തിനുമെത്തുന്ന പട്ടികവർഗ വിദ്യാർഥികൾക്ക് താമസിച്ചു പഠിക്കുന്നതിനുള്ള സൗകര്യം എന്നിവയാണ് ഒരുക്കിയിരിക്കുന്നത്.

സി.പി.ഐ.എം എറണാകുളം ജില്ലാ കമ്മിറ്റി പൊതുജനങ്ങളിൽനിന്നു സമാഹരിച്ച രണ്ടേമുക്കാൽ കോടി രൂപ ഉപയോഗിച്ചാണ് ആറര സെന്റ് സ്ഥലത്ത് അഭിമന്യൂ സ്മാരകമന്ദിരം നിർമിച്ചത്.എസ്.എഫ്.ഐ സുവർണ ജൂബിലി ആഘോഷങ്ങളുടെ ഉദ്ഘാടനം 31നു വൈകിട്ട് 3നു പുത്തരിക്കണ്ടം നായനാർ പാർക്കിൽ മുഖ്യമന്ത്രി നിർവഹിക്കും.