കേരളത്തില്‍ തിയറ്ററുകൾ അടുത്തയാഴ്ച തുറക്കും. ഒരാഴ്ചത്തെ ശുചീകരണത്തിന് ശേഷം തിയറ്ററുകൾ തുറക്കുമെന്ന് ഉടമകൾ അറിയിച്ചു. തിയറ്ററുകൾ തുറക്കാൻ മുന്നൊരുക്കം ആവശ്യമാണെന്നും ഉടമകൾ വാർത്താസമ്മേളനത്തിൽ അറിയിച്ചു.

കൊവിഡ് പശ്ചാത്തലത്തിൽ 10 മാസത്തിനുശേഷമാണു സംസ്ഥാനത്ത് തിയറ്ററുകൾ തുറക്കാൻ സംസ്ഥാന സർക്കാർ അനുമതി നൽകിയത്. നിയന്ത്രണങ്ങളോടെ അഞ്ചു മുതൽ തിയേറ്ററുകൾ തുറക്കാൻ തീരുമാനിച്ചതായി മുഖ്യമന്ത്രി പിണറായി വിജയൻ കഴിഞ്ഞദിവസം വാർത്താ സമ്മേളനത്തിൽ അറിയിക്കുകയായിരുന്നു. തിയറ്ററുകൾ വീണ്ടും തുറക്കുമ്പോൾ സീറ്റിങ് കപ്പാസിറ്റിയുടെ 50 ശതമാനത്തിൽ ആളുകളെ പ്രവേശിപ്പിക്കാനാണ് അനുമതി.