സംസ്ഥാനം സാമ്പത്തിക ബാധ്യതയിലേക്ക് കൂപ്പു കുത്തുന്ന സാഹചര്യത്തിലും ആശ്വാസനടപടികള്‍ തുടരുമെന്ന സൂചന നല്‍കി സംസ്ഥാന ബജറ്റ് നാളെ.തൊഴിലില്ലായ്മ, കൊവിഡ് പ്രതിരോധം, ക്ഷേമപദ്ധതികള്‍ എന്നിവയിലൂന്നിയുള്ള പ്രഖ്യാപനങ്ങള്‍ക്കാണ് അവസാന ബജറ്റില്‍ സാധ്യതയേറുന്നത്.

കൊവിഡ് പ്രതിസന്ധി താളം തെറ്റിച്ച സാമ്പത്തിക ഭദ്രതയില്‍ അതിനെ തിരിച്ചു കൊണ്ടുവരാന്‍ ആണ് ശ്രമിക്കുന്നത്.വീട്ടമ്മമാര്‍ക്ക് വരുമാനം എത്തിക്കുന്ന പദ്ധതിയാണ് ഹൈലൈറ്റ് എന്ന് ധന്യമന്ത്രി തോമസ് ഐസക്ക് പറയുന്നു.എത്രപണം ചെലവഴിച്ചാലും കൊവിഡ് വാക്‌സിന്‍ സൗജന്യമായി തന്നെ നല്‍കുമെന്നാണ് സര്‍ക്കാറിന്റെ ഉറപ്പ്.

ക്ഷേമ പെന്‍ഷന്‍ തുക ഉയര്‍ത്തുമെന്നാണ് സര്‍ക്കാര്‍ നല്‍കുന്ന സൂചന. കാര്‍ഷിക ടൂറിസം, പരമ്പരാഗത വ്യവസായം എന്നിവയുടെ പുനരുജ്ജീവനത്തിനായുള്ള പദ്ധതികളും സംസ്ഥാനത്തെ സംബന്ധിച്ച് ഏറെ പ്രധാനം.