ഒടുവില്‍ നാലര പതിറ്റാണ്ട് നീണ്ട കാത്തിരിപ്പിന് വിരാമമിട്ട് ആലപ്പുഴ ബൈപാസ് 28 ന് ഉദ്ഘാടനം ചെയ്യും. മുഖ്യമന്ത്രി പിണറായി വിജയനും കേന്ദ്രമന്ത്രി നിതിൻ ഗഡ്കരിയും ചേർന്നാണ് ബൈപാസിന്റെ ഉദ്ഘാടനം നിർവ്വഹിക്കുക.

പ്രധാനമന്ത്രിക്ക് എത്താൻ അസൗകര്യമുണ്ടെന്ന് പൊതുമരാമത്ത് വകുപ്പ് മന്ത്രി ജി. സുധാകരന് അറിയിപ്പ് ലഭിച്ചതിനെത്തുടർന്നാണ് തീരുമാനം. 1987 ലാണ് ആലപ്പുഴ ബൈപാസിന്റെ തറക്കല്ലിട്ടത്. ദേശീയ പാതയിലെ കൊമ്മാടിയിൽ നിന്ന് തുടങ്ങി കടലിനോട് ചേർന്ന് 3.2 കിലോമീറ്റർ എലിവേറ്റഡ് ഹൈവേ ആണ് കളർകോട് ദേശീയപാതയിലെത്തുക.

ബൈപാസ് യാഥാർത്ഥ്യമാകുന്നതോടെ തിരുവനന്തപുരം ഭാഗത്തേക്കും എറണാകുളം ഭാഗത്തേക്കും പോകുന്നവർക്ക് ആലപ്പുഴ ഭാഗത്തെ ഗതാഗതക്കുരുക്കിൽ പെടാതെ ആലപ്പുഴ ബീച്ചിനരികിലൂടെ യാത്ര ചെയ്യാനാകും.