ഇന്ത്യ കോവിഡ് പ്രതിരോധ പോരാട്ടം തുടങ്ങിയിട്ട് ഒരു വർഷം
അഡ്മിൻ
ഇന്ത്യ കോവിഡിനെതിരായ പോരാട്ടം തുടങ്ങിയിട്ട് ഒരു വര്‍ഷം പിന്നിടുന്നു. കഴി‍ഞ്ഞ വര്‍ഷം ജനുവരി 30ന് തൃശൂരിലാണ് ആദ്യ കോവിഡ് കേസ് റിപ്പോര്‍ട്ട് ചെയ്തത്. വൈറസിനെ പ്രതിരോധിക്കാന്‍ വാക്സിന്‍ കൂടുതല്‍ പേരിലേക്ക് എത്തുന്നുന്നുവെന്നതാണ് ഒരു വര്‍ഷം പിന്നിടുമ്പോഴുള്ള ആശ്വാസം. ആദ്യ ഘട്ടത്തില്‍ സംസ്ഥാനത്ത് രോഗം വന്നത് മൂന്ന് പേര്‍ക്ക്. രണ്ടാം ഘട്ടത്തില്‍ വിദേശത്ത് നിന്ന് എത്തിയവരിലായിരുന്നു രോഗബാധ കൂടുതല്‍. പക്ഷേ പിന്നാലെ സമൂഹവ്യാപനത്തിലേക്കെത്തി.
രാജ്യം മുഴുവന്‍ അടച്ചിടുന്ന അനുഭവവും ഇതാദ്യം. എല്ലാ മേഖലയും നിശ്ചലമായി. കൊച്ചുകുട്ടികളുടെ ക്ലാസുകള്‍ വരെ ഓണ്‍ലൈനിലേക്ക് മാറി. ആഘോഷങ്ങള്‍ വീട്ടിലേക്ക് ഒതുങ്ങി. കല്യാണങ്ങളില്‍ പങ്കെടുക്കുന്നത് വിരലിലെണ്ണാവുന്നവര്‍ മാത്രം. അങ്ങനെ സമസ്ത മേഖലകളെയും കോവിഡ് ബാധിച്ചു. സംസ്ഥാനത്തെ ആദ്യ കോവിഡ് മരണം മാര്‍ച്ച് 28നാണ്.
അതിന് ശേഷം നിരവധി പേരുടെ ജീവന്‍ കോവിഡ് മൂലം നഷ്ടമായി. മറ്റ് സംസ്ഥാനങ്ങളില്‍ കേസുകള്‍ കുറയുമ്പോഴും കേരളത്തില്‍ രോഗികള്‍ വര്‍ദ്ധിക്കുന്നതാണ് ഇപ്പോഴത്തെ ആശങ്ക.
