യു.പിയിലെ അയോധ്യയില്‍ നടത്തുന്ന രാമക്ഷേത്ര നിർമാണത്തിന് ധനസമാഹരണ യജ്ഞവുമായി കോൺഗ്രസ് വിദ്യാർത്ഥി സംഘടന എൻ.എസ്.യു.ഐ. വിദ്യാർത്ഥികളിൽ നിന്നും ധനശേഖരണം നടത്തുന്ന കാമ്പയിന് എൻ.എസ്.യു.ഐ രാജസ്ഥാൻ സംസ്ഥാന അധ്യക്ഷൻ അഭിഷേക് ചൗധരി ചൊവ്വാഴ്ച ജയ്‌പൂരിലെ കോമേഴ്‌സ് കോളേജിൽ തുടക്കം നല്‍കി.

രാമക്ഷേത്രത്തിനായി ഒരു രൂപ എന്ന് പേരിട്ട ഈ യജ്ഞത്തിന്റെ ആദ്യ ദിവസം സംഘടനയുടെ നൂറോളം പ്രവർത്തകർ വിദ്യാർത്ഥികളിൽ നിന്ന് ധനസമാഹരണം നടത്തി. "പതിനഞ്ച് ദിവസത്തെ യജ്ഞത്തിലൂടെ സംസ്ഥാനത്തെ എല്ലാ കോളേജുകളിലും ധനസമാഹരണം നടത്തും. പിരിഞ്ഞു കിട്ടുന്ന തുക അയോധ്യയിലെ രാമക്ഷേത്ര അധികാരികൾക്ക് നൽകും" - എൻ.എസ്.യു.ഐ വക്താവ് രമേശ് ഭാട്ടി പറഞ്ഞു.