അഴിമതിയില്ലാതെ കേരളത്തില്‍ ക്ഷേത്രങ്ങളും പള്ളി കമ്മിറ്റികളും നല്ല രീതിയിൽ നടത്തുന്നത് ഇടതു ഭരണകാലത്താണ് എന്നും അയ്യപ്പനും വാവർക്കും ഇടതു ഭരണം വരുന്നതാണ് ഇഷ്ടമെന്നും സി.പി.ഐ.എം പൊളിറ്റ് ബ്യൂറോ അംഗം എം.എ ബേബി. അതേപോലെ തന്നെ കഴിഞ്ഞ ലോക്സഭാ തെരഞ്ഞെടുപ്പിൽ ശബരിമല യുഡിഎഫിനെ എത്രത്തോളം സഹായിച്ചുവെന്നതു സംബന്ധിച്ച് പരിശോധന വേണമെന്നും അദ്ദേഹം പറഞ്ഞു.

രാഹുൽ ഗാന്ധിയുടെ വരവ്, ബിജെപിക്ക് ബദൽ തുടങ്ങിയ കാര്യങ്ങൾ വേറെയുണ്ട്. ശബരിമലയൊക്കെ അനുബന്ധ ഘടകമായിരിക്കാം. ഇതു സംബന്ധിച്ച് കൂടുതൽ ചർച്ചകൾ വേണം. വരുന്ന നിയമസഭാ തെരഞ്ഞെടുപ്പിൽ ശബരിമല യുഡിഎഫിന് ഗുണം ചെയ്യില്ല.

മറ്റൊന്നും പറയാനില്ലാത്ത രാഷ്ട്രീയ ശൂന്യതയിൽ നിന്നാണ് യുഡിഎഫ് ശബരിമല വിഷയം ഇപ്പോഴും പറയുന്നതെന്നും എം.എ ബേബി ഒരു ചാനല്‍ അഭിമുഖത്തില്‍ പറഞ്ഞു.അമ്പലങ്ങൾക്കും പള്ളികൾക്കും എന്തെങ്കിലും സാമ്പത്തിക സഹായം ആവശ്യമാണെങ്കിൽ ഇനിയും സർക്കാർ ചെയ്യുമെന്നും അദ്ദേഹം പറഞ്ഞു