കേരളത്തില്‍ തൊഴിൽ സമയം പുനഃക്രമീകരിച്ചു ഉത്തരവായി. വെയിലത്ത് ജോലി ചെയ്യുന്ന തൊഴിലാളികളുടെ ജോലി സമയമാണ് പുനഃക്രമീകരിച്ചത്.ഫെബ്രുവരി 17 മുതൽ ഏപ്രിൽ 30വരെയാണ് പുതിയ തൊഴിൽ സമയത്തിന്റെ കാലാവധി.ഉച്ചക്ക് 12 മുതൽ 3 വരെ വിശ്രമവേളയായിരിക്കും.

ജോലി സമയം രാവിലെ ഏഴു മുതൽ വൈകിട്ട് ഏഴു മണി വരെയുള്ള സമയങ്ങളിൽ എട്ടു മണിക്കൂറായി നിജപ്പെടുത്തിയിട്ടുണ്ട്.ഉത്തരവിന്റെ അടിസ്ഥാനത്തിൽ വിവിധ തൊഴിൽ മേഖലകളിൽ നടത്തുന്ന പരിശോധനകളോടൊപ്പം കൺസ്ട്രക്ഷൻ സൈറ്റുകൾക്കും റോഡ് നിർമ്മാണ മേഖലക്കും പ്രത്യേകം പരിഗണന നൽകിക്കൊണ്ട് ദൈനംദിന പരിശോധന നടത്തും.