വരുന്ന നിയമസഭാ തെരഞ്ഞെടുപ്പില്‍ എൽ.ഡി.എഫിന് കേരളത്തില്‍ ഉറപ്പിക്കുന്നതാണ് ട്വന്റിഫോറിന്റെ പോൾ ട്രാക്കർ സർവേ ഫലം. ഈ സർവേയിൽ പങ്കെടുത്ത 42.38 ശതമാനം പേർ എൽ.ഡി.എഫ് ഭരണം നിലനിർത്തുമെന്നാണ് അഭിപ്രായപ്പെട്ടത്.

എൽ.ഡി.എഫിന് 68 മുതൽ 78 സീറ്റുകൾ വരെ ലഭിക്കാൻ സാധ്യതയുണ്ടെന്ന് ഇവർ പറയുന്നു. സർവേയുടെ ഭാഗമായ 40.72 ശതമാനം പേർ യു.ഡി.എഫിന് 62 മുതൽ 72 സീറ്റുകൾ വരെ ലഭിക്കാമെന്ന് പറയുന്നു. 16.9 ശതമാനം ആളുകൾ അഭിപ്രായപ്പെട്ടത് ബി.ജെ.പിക്ക് ഒന്നോ രണ്ടോ സീറ്റുകൾ ലഭിക്കുമെന്നാണ്.

അതേപോലെ തന്നെ കേരളത്തിൽ വികസനം ചർച്ചയായാൽ എൽ.ഡി.എഫിനാകും നേട്ടമെന്നാണ് സർവേ ഫലത്തിൽ പറയുന്നത്. ഈ ചോദ്യത്തിന് 46 ശതമാനം പേരാണ് എൽ.ഡി.എഫിനെ പിന്തുണച്ചത്. 40 ശതമാനം പേർ യു.ഡി.എഫിനേയും, 14 ശതമാനം പേർ ബി.ജെ.പിയേയും പിന്തുണച്ചു.