സംസ്ഥാന നിയമസഭാ തെരഞ്ഞെടുപ്പിൽ കൊല്ലത്ത് നടൻ മുകേഷിനും ആറന്മുളയിൽ വീണ ജോർജിനും രണ്ടാമൂഴം. ഇവരെയും ഒരിക്കല്‍ കൂടി മത്സരിപ്പിക്കാൻ സി.പി.ഐ.എം ജില്ലാ സെക്രട്ടേറിയറ്റ് അനുമതി നല്‍കുകയായിരുന്നു. ആർഎസ്പി ലെനിനിസ്റ്റ് പാർട്ടി പുറത്താക്കിയെന്ന് പ്രഖ്യാപിച്ച സാഹചര്യത്തിൽ ഇടത് സ്വതന്ത്രനായായി കോവൂർ കുഞ്ഞുമോന്‍ വീണ്ടും മത്സരത്തില്‍ ഉണ്ടാകും എന്നും തീരുമാനമായി.

അതേസമയം, ചവറയിൽ അന്തരിച്ച എം.എൽ.എ വിജയൻ പിള്ളയുടെ മകൻ സുജിത് വിജയനെ മത്സരിപ്പിക്കും.
കോന്നിയിൽ കെ.യു.ജനീഷ്കുമാര്‍ വീണ്ടും മത്സരിക്കുമ്പോള്‍ റാന്നിയിൽ ആറാം തവണയും രാജു ഏബ്രഹാം മത്സരിക്കണമെന്ന നിർദേശം ഉയർന്നെങ്കിലും ഇതില്‍ അവസാന തീരുമാനമായില്ല. തിരുവല്ലയിൽ മാത്യു ടി.തോമസും (ജനതാദൾ) അടൂരിൽ ചിറ്റയം ഗോപകുമാറും (സി.പി.ഐ) വീണ്ടും ജനവിധി തേടും.