ലേബർ കോൺട്രാക്ട് സൊസൈറ്റിയെ അഭിനന്ദിച്ച ഇ. ശ്രീധരനെതിരെ സംസ്ഥാന പ്രസിഡന്റ് കെ. സുരേന്ദ്രൻ. ആലപ്പുഴയിൽ മാധ്യമങ്ങളോട് സംസാരിക്കുമ്പോഴാണ് ഇ. ശ്രീധരനെ തള്ളി കെ. സുരേന്ദ്രൻ രംഗത്തുവന്നത്.ഊരാളുങ്കലിൻറെ അഴിമതിയെ കുറിച്ച് ഇ. ശ്രീധരന് അറിയാൻ സാധ്യതയില്ല.

മാത്രമല്ല, അദ്ദേഹം ഇങ്ങനെയുള്ള പരാമർശം നടത്തുമ്പോൾ നേതാക്കളോട് കൂടി ആലോചിക്കേണ്ടതാണെന്നും സുരേന്ദ്രൻ പറഞ്ഞു. പാലാരിവട്ടം പാലം പുനർനിർമാണം സമയബന്ധിതമായി പൂർത്തിയാക്കിയതിനാണ് ഊരാളുങ്കൽ സൊസൈറ്റിയെ ശ്രീധരൻ അഭിനന്ദിച്ചത്.

ശ്രീധരൻറെ മേൽനോട്ടത്തിലാണ് പുനർനിർമാണം പൂർത്തിയാക്കിയത്.സമയബന്ധിതമായി നിർമാണപ്രവർത്തനം നടത്തുന്ന ഊരാളുങ്കൽ ലേബർ കോൺട്രാക്ട് സൊസൈറ്റി രാജ്യത്തിനാകെ മാതൃകയാണെന്ന് ശ്രീധരൻ പറഞ്ഞു. ഇതാണ് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രനെ പ്രകോപിപ്പിച്ചത്.