ഒടുവില്‍ സഹികെട്ടപ്പോള്‍ മാധ്യമസർവേകൾക്കെതിരെ തെരഞ്ഞെടുപ്പ് കമ്മീഷന് പരാതി നൽകി പ്രതിപക്ഷ നേതാവ് രമേശ് ചെന്നിത്തല. തെരഞ്ഞെടുപ്പിന് മുന്നോടിയായുള്ള മാധ്യമസർവേകൾ തടയണമെന്ന് ആവശ്യപ്പെട്ടാണ് ചെന്നിത്തലയുടെ പരാതി.

സർവേകൾ കൃത്രിമവും ജനാഭിപ്രായത്തെ സ്വധീനിക്കാനുള്ള ഗൂഢാലോചനയുമാണെന്ന് ചെന്നിത്തല പരാതിയിൽ ചൂണ്ടിക്കാട്ടി. കേരളത്തിൽ ഇടത് സർക്കാരിന് തുടർഭരണം പ്രവചിക്കുന്ന സർവേകളാണ് മാധ്യമങ്ങൾ പുറത്ത് വിട്ടത്. ഇതിനെതിരെ കഴിഞ്ഞ ദിവസം രമേശ് ചെന്നിത്തല പരസ്യമായി രംഗത്തെത്തിയിരുന്നു. അഭിപ്രായ സർവേകൾ യാഥാർഥ്യത്തിന് എതിരാണെന്നും ഒരു ശതമാനും വോട്ടർമാർ പോലും ഇതിൽ പങ്കെടുത്തില്ലെന്നും ചെന്നിത്തല പറഞ്ഞു.