മാവേലിക്കരയിൽ ബി.ജെ.പി വിഭാഗീയത. ബിജെപിയുടെ ഔദ്യോഗിക സ്ഥാനാർഥിക്കെതിരെ ബി.ജെ.പി നേതാവ് മത്സരിക്കും. ബി.ജെ.പി മണ്ഡലം ഭാരവാഹികളുടെ നെറികെട്ട രാഷ്ട്രീയ നിലപാടുകൾക്കെതിരെയാണ് മാവേലിക്കര നിയമസഭാ മണ്ഡലത്തിൽ സ്വതന്ത്ര സ്ഥാനാർത്ഥിയായി മത്സരിക്കുന്നതെന്ന് ബി സുഭാഷ് പറയുന്നു.

ബി.ജെ.പി മുന്‍ ബൂത്ത് പ്രസിഡന്റ്, കര്‍ഷക മോര്‍ച്ചാ ജില്ലാ ട്രഷറര്‍, പട്ടികജാതി മോര്‍ച്ചാ ജില്ലാ കമ്മിറ്റിയംഗം എന്നി ചുമതലകള്‍ വഹിച്ചിരുന്നയാളാണ് ബി സുഭാഷ്. മണ്ഡലത്തിൽ ജനകീയ സ്വതന്ത്ര സ്ഥാനാർത്ഥിയായിട്ടാണ് മത്സരിക്കുന്നത്. തമിഴ്നാട്ടിലെ എ എംഎം കെ പാർട്ടി പിന്തുണ നല്‍കിയിട്ടുണ്ടെന്നും മാവേലിക്കരയില്‍ നടന്ന വാര്‍ത്താ സമ്മേളനത്തില്‍ ബി സുഭാഷ് വ്യക്തമാക്കി.