കേരളത്തിലെ ആഴക്കടല്‍ മത്സ്യബന്ധന വിഷയത്തില്‍ എല്‍.ഡി.എഫ്‌ സര്‍ക്കാരിനെതിരെ രാഹുല്‍ഗാന്ധി ശുദ്ധനുണ തട്ടിവിടുകയാണെന്ന് സി പി എം പൊളിറ്റ്‌ബ്യൂറോ അംഗം എം. എ .ബേബി പറഞ്ഞു. കാസര്‍കോട് ജില്ലയിലെ എല്‍.ഡി.എഫ് തെരഞ്ഞെടുപ്പ്‌ പൊതുയോഗങ്ങളില്‍ സംസാരിക്കുകയായിരുന്നു അദ്ദേഹം.

മാധ്യമങ്ങളെയും ചില മത നേതാക്കളെയും കൂട്ടുപിടിച്ചാണ്‌ അസത്യപ്രചാരണം. കടലിന്റെ മക്കളുടെ അവകാശം സര്‍ക്കാര്‍ തീറെഴുതിയെന്നാണ്‌ രാഹുല്‍ ഗാന്ധി പറയുന്നത്‌. ഇതിന്റെ പേരില്‍ കൊല്ലത്ത്‌ ഒരു ബിഷപ്പ്‌ ഇടയലേഖനം ഇറക്കിയിരിക്കുന്നു. കടലിന്റെ മക്കള്‍ക്ക്‌ മീന്‍പിടിക്കാനുള്ള അവകാശം ഇല്ലാതാക്കുന്ന നിയമം കൊണ്ടുവന്നത്‌ രാഹുലിന്റെ നേതാവായ പി വി നരസിംഹറാവു പ്രധാനമന്ത്രിയായിരുന്നപ്പോഴാണ്‌.