രാജ്യസഭാ തെരഞ്ഞെടുപ്പില്‍ ഇടതുമുന്നണിയില്‍ നിന്നും മത്സരിക്കുന്ന മാധ്യമ പ്രവര്‍ത്തകന്‍ ജോണ്‍ ബ്രിട്ടാസിന് അഭിനന്ദനങ്ങളുമായി രാഷ്ട്രീയ നേതാവും നടനുമായ കമല്‍ ഹാസന്‍. മൂന്നു പതിറ്റാണ്ടിലേറെയായി മാധ്യമപ്രവർത്തനത്തിന്റെ സുപരിചിത മുഖമാണ് രാജ്യസഭയിലേക്ക് എത്തുന്ന ജോൺ ബ്രിട്ടാസ് എന്ന് അദ്ദേഹം പറഞ്ഞു.

ജോൺ ബ്രിട്ടാസിന്റെ പുതിയ ഉത്തരവാദിത്വത്തെയും നേട്ടത്തെയും അഭിനന്ദിച്ച് ചലച്ചിത്ര പ്രവർത്തകനും രാഷ്ട്രീയ നേതാവുമായ കമൽഹാസൻ കുറിച്ചതിങ്ങനെ:

"താങ്കൾ വേഗത്തിൽ പായുന്ന വെടിയുണ്ടയാണ്. പോകേണ്ട പാതയും എത്തേണ്ട ലക്ഷ്യവും പൂർണ്ണമായി അറിയാവുന്ന ബുള്ളറ്റ്. താങ്കളുടെ കഴിവുകൾ ലക്ഷ്യം കണ്ടെത്തും. ശരിയായ ദിശയിലേക്ക് ചലിച്ചാൽ ഉദ്ദേശം സഫലീകരിക്കുകതന്നെ ചെയ്യും. പാർലമെന്ററി പ്രവർത്തനത്തിന് അഭിനന്ദനങ്ങൾ."