ഉടുമ്പൻചോല മണ്ഡലത്തിൽ എംഎം മണിയുടെ തേരോട്ടം. വോട്ടെണ്ണി തുടങ്ങിയ സമയം മുതൽ ക്രമാനുഗതമായ മുന്നേറ്റമാണ് മന്ത്രി എംഎം മണി മണ്ഡലത്തിൽ നേടിയത്. മൂന്ന് റൗണ്ട് എണ്ണി തീര്‍ന്നപ്പോൾ തന്നെ പതിനായിരത്തിന് മുകളിലേക്ക് ഭൂരിപക്ഷം ഉയര്‍ത്താനും എംഎം മണിക്ക് കഴിഞ്ഞു. നിലവിൽ എം.എം.മണിയുടെ ലീഡ് 20,000 കടന്നു.

യുഡിഎഫ് സ്ഥാനാര്‍ത്ഥി ഇഎം അഗസ്തിയാണ് രണ്ടാം സ്ഥാനത്തുള്ളത്. എൻഡിഎ സ്ഥാനാര്‍ത്ഥിയായി മത്സരിക്കുന്നത് സന്തോഷ് മാധവൻ ആണ്. അതേസമയം, ബേപ്പൂരിൽ പി.എ.മുഹമ്മദ് റിയാസ് 12299 വോട്ടിന് ലീഡ് ചെയ്യുന്നു, ബാലുശ്ശേരി 10 റൗണ്ട് പൂർത്തിയായപ്പോൾ 12209 വോട്ടിന് എല്‍ഡിഎഫ്‌ മുന്നിൽ. കെ.കെ.ശൈലജയുടെ ലീഡ് 13000ത്തിന് അടുത്ത് .എറണാകുളം ജില്ലയിൽ അഞ്ച് മണ്ഡലങ്ങളിൽ എൽഡിഎഫ് ലീഡ് ചെയ്യുന്നു.