വാക്‌സിൻ ക്ഷാമം തുടരുന്നതിനിടെ സംസ്ഥാനത്തേക്ക് കൂടുതൽ കോവിഡ് വാക്‌സിൻ എത്തിച്ചു. കേന്ദ്ര സർക്കാരിൽ നിന്ന് 4 ലക്ഷം ഡോസ് ‌കൊവിഷീൽഡ് വാക്‌സിനാണ് ഇന്നലെ തിരുവനന്തപുരത്തെത്തിച്ചത്. ഇതോടെ സംസ്ഥാനത്തെ വാക്‌സിൻ ക്ഷാമത്തിന് താത്കാലിക പരിഹാരമാവുകയാണ്. എത്തിയ വാക്‌സിൻ എറണാകുളം, കോഴിക്കോട് മേഖലകളിലേക്ക് ഇന്ന് കൈമാറും.

അതേസമയം കോവിഡ് വാക്‌സിൻ നൽകേണ്ട ഉത്തരവാദിത്തം കേന്ദ്ര സർക്കാരിനാണെന്ന് മുഖ്യമന്ത്രി പിണറായി വിജയൻ ആവർത്തിച്ചു. അതിൽ നിന്ന് ഒഴിഞ്ഞുമാറുന്നത് ഒരു തരത്തിലും ശരിയല്ലെന്നും 18 വയസ് മുതലുള്ളവര്‍ക്ക് വാക്‌സിൻ നൽകുമെന്ന് പ്രഖ്യാപിച്ചത് പ്രാവർത്തികമാക്കാനുള്ള നടപടി കേന്ദ്രം സ്വീകരിക്കണമെന്നും അദ്ദേഹം ഇന്നലെ ആവശ്യപ്പെട്ടിരുന്നു.