പൊതുപ്രവർത്തനത്തിന് മന്ത്രി പദവി ആവശ്യമില്ലെന്ന് സിപിഎം നേതാവും മുൻ മന്ത്രിയുമായ എംഎം മണി. എല്ലാ സ്ഥാനമാനങ്ങളും തന്നത് പാർട്ടിയാണ്. പാർട്ടിക്ക് വേണ്ടി ഇനിയും പ്രവർത്തിക്കും. ജനങ്ങൾക്കിടയിൽ പ്രവർത്തിക്കാൻ മന്ത്രിസ്ഥാനത്തിന്റെ ആവശ്യമില്ലെന്നും എംഎം മണി പറഞ്ഞു.

മന്ത്രിസഭയിൽ പുതുമുഖങ്ങൾ മതിയെന്ന പാർട്ടി തീരുമാനത്തേയും അദ്ദേഹം സ്വാഗതം ചെയ്തു. കഴിഞ്ഞ മന്ത്രിസഭയിൽ വൈദ്യുതി വകുപ്പ് കൈകാര്യം ചെയ്തത് എംഎം മണിയായിരുന്നു. മണി വീണ്ടും മന്ത്രിയായേക്കുമെന്ന് ജില്ലയിലെ നേതൃത്വം പ്രതീക്ഷ പുലർത്തിയിരുന്നു. എന്നാൽ പൂർണമായും പുതുമുഖങ്ങളെ ഉൾപ്പെടുത്തിയാണ് ഇത്തവണത്തെ മന്ത്രിസഭക്ക് സി.പി.ഐ.എം രൂപം നൽകിയത്.