പെഗാസസ് ഫോണ്‍ ചോര്‍ച്ചയില്‍ പ്രതിപക്ഷ ബഹളത്തെ തുടര്‍ന്ന് പാര്‍ലമെന്റിന്റെ രണ്ട് സഭകളും പിരിഞ്ഞു. ബഹളത്തെ തുടര്‍ന്ന് രാജ്യസഭയുടെ ഇന്നത്തെ നടപടികള്‍ നിര്‍ത്തിവച്ചു. പാര്‍ലമെന്റിന്റെ ഇരുസഭയിലും വലിയ പ്രതിഷേധമാണ് പ്രതിപക്ഷം പെഗാസസ് ഫോണ്‍ ചോര്‍ത്തലിനെതിരെ നടത്തിയത്. സഭ നിര്‍ത്തിവച്ച് വിഷയം ചര്‍ച്ചചെയ്യണമെന്നായിരുന്നു അവരുടെ നിലപാട്.

പെഗാസസില്‍ ചര്‍ച്ചക്ക് സര്‍ക്കാര്‍ തയ്യാറാകണമെന്ന് കോണ്‍ഗ്രസ് കക്ഷിനേതാവ് അധിര്‍ രഞ്ജന്‍ ചൗധരി ലോക്‌സഭയില്‍ ആവശ്യപ്പെട്ടു. ബഹളത്തിനിടെ ലോക്‌സഭയില്‍ എസന്‍ഷ്യല്‍ ഡിഫന്‍സ് സര്‍വീസ് പാസാക്കുന്നതിനെതിരെയും പ്രതിപക്ഷം ബഹളമുയര്‍ത്തി.

സഭയെ ബുള്‍ഡോസ് ചെയ്യാനാണ് സര്‍ക്കാര്‍ ശ്രമിക്കുന്നതെന്ന് പ്രതിപക്ഷം ആരോപിച്ചു. എന്നാല്‍ പണിമുടക്കുകള്‍ക്കെതിരെ ശക്തമായ നടപടിക്ക് സര്‍ക്കാരിന് അധികാരം നല്‍കുന്ന എസന്‍ഷ്യല്‍ ഡിഫന്‍സ് സര്‍വീസ് ബില്ല് സര്‍ക്കാര്‍ ബഹളത്തിനിടെ പാസാക്കി.