കേരളത്തിലേക്കുള്ള യാത്രകള്‍ ഒഴിവാക്കാന്‍ ദ്വീപ് നിവാസികള്‍ക്ക് ലക്ഷ ദ്വീപ് ഭരണകൂടത്തിന്റെ നിര്‍ദേശം. കേരളത്തില്‍ കൊവിഡ് സാഹചര്യങ്ങള്‍ കൂടി വരുന്ന സാഹചര്യത്തിലാണ് നിയന്ത്രണം എന്നാണ് വിശദീകരണം. അടിയന്തിര ഘട്ടത്തില്‍ അല്ലാതെ കേരളത്തിലേക്കുള്ള യാത്ര ഒഴിവാക്കണമെന്നും ഭരണകൂടം ആവശ്യപ്പെടുന്നു.

ലക്ഷ ദ്വീപില്‍ നേരത്തെ കൊവിഡ് ബാധ രൂക്ഷമായ സാഹചര്യം ഉണ്ടായിരുന്നു. എന്നാല്‍ ഇപ്പോള്‍ സ്ഥിതിഗതികള്‍ നിയന്ത്രണ വിധേയമാണ്. നിലവില്‍ നാല്‍പത്തി രണ്ട് പേരില്‍ മാത്രമാണ് ദ്വീപില്‍ കൊവിഡ് രോഗ ബാധ സ്ഥിരീകരിച്ചിട്ടുള്ളത് എന്നാണ് ഔദ്യോഗിക കണക്കുകള്‍ ചൂണ്ടിക്കാട്ടുന്നത്.