ദേശീയ പതാക തലതിരിച്ചുയർത്തിയ സംഭവത്തിൽ ബിജെപി സംസ്ഥാന അധ്യക്ഷൻ കെ സുരേന്ദ്രനെതിരെ കേസ്. ദേശീയതയെ അപമാനിക്കുന്ന തരത്തിൽ പെരുമാറിയതിനാണ് കേസ്. തിരുവനന്തപുരം മ്യൂസിയം പോലീസിലാണ് കേസെടുത്തത്. കെ സുരേന്ദ്രനെ കൂടാതെ കണ്ടാൽ അറിയുന്ന ചിലർക്കെതിരെയും കേസെടുത്തിട്ടുണ്ട്.

ബിജെപി സംസ്ഥാന കമ്മിറ്റി ഓഫീസിലാണ് കെ സുരേന്ദ്രൻ പതാക തലതിരിച്ചുയർത്തിയത്. പിന്നീട് തിരികെയിറക്കി ശരിയായ രീതിയിൽ ഉയർത്തുകയായിരുന്നു. പതാക ഉയർത്തിയപ്പോൾ കയർ കുരുങ്ങിയതുകൊണ്ട് ഉണ്ടായ പിഴവാണെന്നാണ് ബിജെപി നൽകുന്ന വിശദീകരണം.

തലതിരിഞ്ഞ് പതാക ഉയരുന്നതിന്റെ ദൃശ്യങ്ങൾ ബിജെപി ഔദ്യോഗിക സോഷ്യൽമീഡിയാ പേജുകളിൽ നിന്നും നീക്കിയിട്ടുണ്ട്.