മത്സ്യത്തൊഴിലാളികളുടെ മക്കള്ക്ക് ഫിഷറീസ് വകുപ്പ് സിവില് സര്വ്വീസ് പരീക്ഷാ പരീശീലനം
അഡ്മിൻ
മത്സ്യത്തൊഴിലാളികളുടെ മക്കള്ക്ക് ഫിഷറീസ് വകുപ്പ് സിവില് സര്വ്വീസ് പരീക്ഷാ പരീശീലനം നല്കുന്നു.ഒരു വര്ഷത്തെ റസിഡന്ഷ്യല് എന്ട്രന്സ് കോച്ചിംഗിനാണ് സര്ക്കാര് ധനസഹായം നല്കുന്നത്. അപേക്ഷാ ഫോറവും വിശദ വിവരങ്ങളും മത്സ്യഭവനുകളില് ലഭ്യമാണ്.അവസാന തീയതി ഓഗസ്റ്റ് 25.
ബിരുദ തലത്തില് 60% മാര്ക്കോടെ വിജയിച്ച മത്സ്യത്തൊഴിലാളി ക്ഷേമനിധി ബോര്ഡില് രജിസ്റ്റര് ചെയ്തിട്ടുളള മത്സ്യത്തൊഴിലാളികളുടെ മക്കള്ക്ക് അപേക്ഷിക്കാം.ഒരു വിദ്യാര്ഥിക്ക് ഒരു തവണ മാത്രമേ ആനൂകൂല്യത്തിന് അര്ഹത ഉണ്ടായിരിക്കുകയുളളൂ.സിവില് സര്വ്വീസ് പരീക്ഷാ പരിശീലനം പട്ടം പ്ലാമൂട് സിവില് സര്വ്വീസ് അക്കാഡമിയിലാണ് നടത്തുന്നത്.
തെരഞ്ഞെടുക്കപ്പെട്ട സ്ഥാപനങ്ങള് വഴിയാണ് പരിശീലനം നല്കുക. സിവില് സര്വ്വീസ് അക്കാഡമി നടത്തുന്ന എന്ട്രന്സ് പരീക്ഷയുടെ മെരിറ്റ് അടിസ്ഥാനത്തിലായിരിക്കും അര്ഹരായ വിദ്യാര്ഥികളെ തെരഞ്ഞെടുക്കുന്നത്. തെരഞ്ഞെടുക്കപ്പെടുന്നവര് താമസിച്ചു പഠിക്കുവാന് സന്നദ്ധരായിരിക്കണം.