രമേശ് ചെന്നിത്തലയ്ക്ക് പകരം മുല്ലപ്പള്ളി സമിതി അംഗം

രാജ്യത്തിന്റെ സ്വാതന്ത്രത്തിന്റെ 75-ാം വാർഷികമാഘോഷിക്കുന്ന കോൺഗ്രസ് സമിതിയിൽ നിന്ന് രമേശ് ചെന്നിത്തലയുടെ പേര് ഒഴിവാക്കി. രമേശ് ചെന്നിത്തലയ്ക്ക് പകരമായ് മുല്ലപ്പള്ളി സമിതി അംഗമായി. നേരത്തെ സമിതിയുടെ കൺവീനറായ് പരിഗണിച്ചിരുന്നത് രമേശ് ചെന്നിത്തലയുടെ പേരായിരുന്നു.

പുനസംഘടനാ വിഷയത്തിലെ ഹൈക്കമാൻഡിന്റെ അത്യപ്തിയുടെ ഭാഗമായാണ് പേര് പേര് ഒഴിവാക്കപ്പെട്ടതെന്നാണ് സൂചന. മൻമോഹൻ സിംഗിന്റെ അധ്യക്ഷതയിലാണ് കോൺഗ്രസ് അധ്യക്ഷ സ്വാതന്ത്രത്തിന്റെ 75 ആം വാർഷികം ആഘോഷിക്കാൻ സമിതി രൂപീകരിച്ചത്. മുകൾ വാസ്‌നിക്ക് ആണ് 11 അംഗ സമിതിയുടെ അധ്യക്ഷൻ.

അതേസമയം, കോൺഗ്രസിൽ ഡിസിസി പുനഃസംഘടനയ്ക്ക് പിന്നാലെയുണ്ടായ വിവാദങ്ങക്കിടെ രമേശ് ചെന്നിത്തലയും ഉമ്മൻചാണ്ടിയും ഒഴികെയുളള നേതാക്കൾ ഇന്ന് കണ്ണൂരിലെത്തും. ഡി.സി.സി ഓഫിസിൻറെ പുതിയ കെട്ടിട ഉദ്ഘാടന ചടങ്ങിൽ പങ്കെടുക്കാനാണ് പ്രധാന നേതാക്കളെല്ലാം കണ്ണൂരിലെത്തുന്നത്. പാർട്ടി പുന:സംഘടന സംബന്ധിച്ച അനൗപചാരിക കൂടിയാലോചനകളും കണ്ണൂരിൽ നടക്കും.

02-Sep-2021