മുസ്ലിം ലീഗിന്റെ വിദ്യാർഥി സംഘടനയായ എംഎസ്എഫ് ന്റെ പ്രസിഡൻ്റ് പി.കെ. നവാസിനെതിരെ കൂടുതൽ ഭാരവാഹികൾ രംഗത്ത്. ഇന്ന് നടന്ന ഭാരവാഹിയോഗത്തിൽ പി.കെ. നവാസിനെതിരെ രൂക്ഷ വിമർശനവുമായി നേതാക്കൾ രംഗത്തെത്തി.

സംഘടനയിൽ നവാസിൻ്റെ ഏകാധിപത്യ പ്രവണത അംഗീകരിക്കാൻ കഴിയില്ലെന്ന് ഭൂരിഭാഗം ഭാരവാഹികളും അറിയിച്ചു. ലത്തീഫ് തുറയുരിനെ ജന സെക്രട്ടറി സ്ഥാനത്ത് നിന്ന് മാറ്റിയത് നടപടി തെറ്റെന്നും ഭാരവാഹികൾ കുറ്റപ്പെടുത്തി. അതേസമയം വിമർശിക്കുന്ന നേതാക്കളെ പുറത്താക്കുന്നതിനെതിരെ എംഎസ്എഫ് കൗൺസിലർമാറും പരസ്യ പ്രതികരണവുമായി എത്തിയിട്ടുണ്ട് . ഈ കാര്യം ആവശ്യപ്പെട്ടുകൊണ്ട് നൂറിലധികം കൗൺസിലർമാർ ഒപ്പിട്ട കത്ത് ലീഗ് നേതൃത്വത്തിന് നൽകി കഴിഞ്ഞു.