സംസ്ഥാന സർക്കാരിന്റെ നയപ്രഖ്യാപനത്തില്‍ ഗവര്‍ണ്ണര്‍ ഒപ്പിട്ടു. ഇതോടെ അനിശ്ചിതത്വത്തിന് അവസാനമായി . പൊതുഭരണ സെക്രട്ടറി കെ ആര്‍ ജ്യോതി ലാലിനെ മാറ്റാനുള്ള സര്‍ക്കാര്‍ തിരുമാനത്തില്‍ ഗവര്‍ണ്ണര്‍ സന്തുഷ്ടനായതോടെ വലിയ ഭരണഘടനാ പ്രതിസന്ധിയാണ് ഒഴിവായത്.

നാളെ നിയമസഭ ചേരുമ്പോള്‍ ഗവര്‍ണ്ണര്‍ നയപ്രഖ്യാപന പ്രസംഗം നടത്തും. ബിജെപിയുടെ സംസ്ഥാന കമ്മിറ്റി അംഗം ഹരി എസ് കർത്തയെ ഗവർണറുടെ പേഴ്‌സണൽ സ്റ്റാഫിൽ നിയമിച്ചതിൽ വിയോജിപ്പ് രേഖപ്പെടുത്തി കത്തയച്ച പൊതുഭരണ സെക്രട്ടറി ജ്യോതി ലാലിനെ മാറ്റിയതിന് പിന്നാലെ സർക്കാരിന്റെ അനുനയത്തിന്റെ ഭാഗമായായി ഗവർണ്ണർ ഒപ്പിടുകയായിരുന്നു. ശാരദാ മുരളിക്കാണ് പകരം ചുമതല നൽകിയിട്ടുള്ളത്.

നിയമസഭാ സമ്മേളനത്തിന് മുന്നോടിയായി മുഖ്യമന്ത്രി പിണറായി വിജയൻ തന്നെയാണ് ഇന്ന് രാജ് ഭവനിലെത്തി ഗവർണറെ കണ്ട് നയപ്രഖ്യാപനം പ്രസംഗം കൈമാറിയത്.