യൂറോപ്പിലെ ഏറ്റവും വലിയ ആണവനിലയത്തിന് നേരെ റഷ്യ ആക്രമണം നടത്തിയെന്ന് യുക്രൈൻ. യുക്രൈൻ നഗരമായ എനർഗൊദാർ നഗരത്തിലെ സേപോർസെയിയ ആണവ നിലയത്തിന് നേരെ റഷ്യ ആക്രമണം നടത്തിയെന്നും നിലയത്തിന് സമീപത്തുനിന്ന് പുക ഉയരുന്നുണ്ടെന്നും യുക്രൈനിയൻ സൈന്യം സ്ഥിരീകരിച്ചു.

അസോസിയേറ്റഡ് പ്രസാണ് വാർത്ത റിപ്പോർട്ട് ചെയ്തത്. റഷ്യൻ സൈന്യം ആണവനിലയത്തിന്റെ എല്ലാ ഭാഗങ്ങളിൽ നിന്നും നിലയത്തിന് നേരെ വെടിയുതിർത്തെന്ന് യുക്രൈനിയൻ വിദേശകാര്യ മന്ത്രി ദിമിത്രോ കുലേബ പറഞ്ഞു. നിലയത്തിന് തീപിടിച്ചിട്ടുണ്ട്. നിലയം തകർന്നാൽ ചെർണോബിൽ ദുരന്തക്കേൾ 10 ഇരട്ടി പ്രഹരശേഷിയുള്ള ദുരന്തമുണ്ടാകുമെന്നും അദ്ദേഹം പറഞ്ഞു.