റഷ്യ- ഉക്രൈൻ യുദ്ധത്തെ തുടർന്ന് ഉക്രയ്നിലെ പഠനം മുടങ്ങിയവരെ സഹായിക്കാൻ ബജറ്റിൽ 10 കോടി മാറ്റിവച്ച സംസ്ഥാന സർക്കാരിന്‌ നന്ദി അറിയിച്ച് വിദ്യാർഥികൾ. ഉക്രയ്‌നിൽ നിന്ന്‌ തിരികെ കേരളത്തിലെത്തിയ വിദ്യാർഥികൾ സിപിഐ എം കൊല്ലം ജില്ലാ കമ്മിറ്റി ഓഫീസിലെത്തി ധനമന്ത്രി കെ എൻ ബാലഗോപാലിനോട് സന്തോഷം പങ്കുവെച്ചു.

സംസ്ഥാന സർക്കാർ നടത്തിയ ഇടപെടലിൽ ഏറെ ആശ്വാസവും നന്ദിയും ഉണ്ടെന്നും കേരളത്തിൽ മാത്രമാണ് ഇതുപോലൊരു ഇടപെടലുണ്ടായതെന്നും വിദ്യാർത്ഥികൾ പറഞ്ഞു. അതേസമയം, വിദ്യാർത്ഥികൾക്കായി സംസ്ഥാന സർക്കാർ സാധ്യമായതെല്ലാം ചെയ്യുമെന്ന്‌ കെ എൻ ബാലഗോപാൽ വിദ്യാർത്ഥികൾക്ക് ഉറപ്പുനൽകി.