തമിഴ്‌നാട് ബിജെപി നേതാവും നടിയുമായ ഗായത്രി രഘുറാം പാർട്ടി വിട്ടു. പാർട്ടിക്കുള്ളിലെ സ്ത്രീകളോടുള്ള ബഹുമാനക്കുറവാണ് തൻ്റെ നീക്കത്തിന് കാരണമെന്നും അവർ ചൂണ്ടിക്കാട്ടി. ബിജെപിയുടെ സാംസ്‌കാരിക വിഭാഗം മേധാവിയായിരുന്നു ഗായത്രി രഘുറാം. ട്വിറ്ററിലൂടെയാണ് ഗായത്രി രാജിക്കാര്യം അറിയിച്ചത്. സംസ്ഥാന പാർട്ടി അധ്യക്ഷൻ അണ്ണാമലൈയുടെ നേതൃത്വത്തിൽ സ്ത്രീകൾ സുരക്ഷിതരല്ലെന്നും ഗായത്രി വ്യക്തമാക്കി.

‘പാർട്ടിക്കുളളിലെ സമത്വമില്ലായ്മയും സ്ത്രീകളോടുളള ബഹുമാനക്കുറവും കാരണമാണ് തമിഴ്നാട് ബിജെപിയിൽ നിന്ന് രാജിവയ്ക്കാൻ ഞാൻ തീരുമാനിച്ചത്. ഇങ്ങനൊരു തീരുമാനമെടുക്കെണ്ടി വന്നതിൽ അത്യധികം സങ്കടമുണ്ട്. അണ്ണാമലൈയുടെ നേതൃത്വത്തിൽ സ്ത്രീകൾ സുരക്ഷിതരല്ല. ഇതിലും നല്ലത് പുറത്തുനിന്നുളളവരുടെ കളിയാക്കലുകൾ ആണ്.’ഗായത്രി രഘുറാം ട്വിറ്ററിൽ കുറിച്ചു.