കേരളത്തിന്റെ തലസ്ഥാന മാറ്റം എന്ന ഹൈബി ഈഡന്റെ ആവശ്യം കോണ്‍ഗ്രസ് എത്രമാത്രം ദുര്‍ബലമെന്ന് വ്യക്തമാക്കുന്നതെന്ന് മന്ത്രി പി എ മുഹമ്മദ് റിയാസ്. ഹൈബി ഈഡന്‍ എന്നുള്ള വ്യക്തി എന്നതല്ല പ്രശ്‌നം. കോണ്‍ഗ്രസില്‍ ജനപ്രതിനിധികളായി വിജയിക്കുന്നവര്‍ക്ക് അവരുടെ ഇഷ്ടത്തിന് അനുസരിച്ച് എന്ത് നിലപാടും സ്വീകരിക്കാനാവും, സംഘടന എന്ന നിലയില്‍ കോണ്‍ഗ്രസ് ദുര്‍ബലമാണ് എന്നതിന് തെളിവാണ്.

കേരളത്തില്‍ കോണ്‍ഗ്രസ് ചിഹ്നത്തില്‍ മത്സരിച്ച് വിജയിച്ചവര്‍ക്ക് എന്തുംപാറയാം എന്ത് നിലപാടും സ്വീകരിക്കാം എന്നുള്ളതിന്റെ തെളിവാണിത്. ഇതുമായി ബന്ധപ്പെട്ട നിലപാട് ഗവണ്മെന്റ് എടുത്തു. ഏക സിവില്‍ കോഡ് വിഷയത്തില്‍ കോണ്‍ഗ്രസ് മതവര്‍ഗ്ഗീയ അജണ്ടകളോട് സന്ധി ചെയ്യുന്നുവെന്നും റിയാസ് വ്യക്തമാക്കി.